Union Home Minister Rajnath Singh chuan niminkhan BOLD-QIT (Border Electronically Dominated QRT Interception Technique) chu India-Bangladesh inrina, Dhubri district, Assam-ah a hawng.
Border Security Force (BSF) chuan Bangladesh nena inrina km 4000 chuang zet venhim hna hian thawk mek a. Hmun thenkhatah chuan a ram leilungin a zir loh em avangin ramri pawh hung ngaihna awm lo a awm nual.
Brahmaputra luiin Bangladesh a luah luhna lai, Dhubri district-a km 61 phei chu a ram a chhengchhiain lui peng neuh neuh a tam a, fur lai phei chuan ven a hautak zual hle a. He harsatna sukiang tur hian kum 2017 khan Ministry of Home Affairs chuan tunlai thiamna hmanga ramri venhim theihna tur project hi a kalpui tan a ni.
Nikum January khan BSF-a Information & Technology Wing chuan Comprehensive Integrated Border Management hnuaiah BOLD-QIT hi a buaipui ta a, tunlai thiamna changkang tak nena mihring ngai lova ramri venhimna tur hi a hun takah an peih thei ta a ni.
He project hawn tak hi BSF tan chauhva tangkai a ni dawn lo va, dan lova ramri kâna che tla mi tu pawh veng thei tur a ni dawn a ni.
Nikum September khan Home Minister hian India leh Pakistan inrinaah km 5-a thui ramri veng thei tur, smart-fencing pilot project pahnih pawh a lo hawng tawh a ni.