Indian hausa tawntaw Mukesh Ambani fapa Anant Ambani leh Radhika Merchan te pre-wedding ni thum awh neih zawh takah zaithiam Akon-a’n Shah Rukh Khan chu ‘Unaupa ang chiah a hmangaih thu’ a sawi.
Grammy winning artist leh Bollywood icon SRK te hi tunhma khan ‘Criminal’ leh ‘Chammak Challo’ hla hit em em ah te an lo thawk dun tawh.
Dawhsana a mipui a awih hlim laiin Akon hian SRK hi kai chhovin in inthianthatna leh an thil tawn te tawi fel takin a sawi.
“Ani hian India ramah theihtawpin min pui a, unaupa ang chiahin ka hmangaih. Ka tan a ding reng a ni a, keimah ah rinnna nghat ngamtu a ni bawk,” a ti.
SRK nen an inthawn dunna hla hit zia leh rimawi khawvela history ropui tak a siam dan te pawh a sawichhuak bawk.