Manchester United chuan Pathianni khan kum 22 mi Bologna leh Dutch striker Joshua Zirkzee chu Atalanta an hmachhawn tumin a chevel thlithlai turin an scout te an tirchhuak. (Tuttosport – in Italian)
Arsenal pawhin 80m euros (£68m) vel zeta lak ngai tur Zirkzee hi an ngaihven zui zel bawk. (Gazzetta dello Sport, via Sport Witness)
Manchester City chuan nipui bazar inhawn hunah Liverpool hmakhalhin Bayern Munich leh Germany midfielder Joshua Kimmich lak ngei an tum. (Caught Offside)
Liverpool chuan Wolves winger Pedro Neto ngaihven viau mah se Portuguese attacker hi a inhliam ngun em vangin an ngaihtuahna a tibuai thung. (Football Insider)
Crystal Palace chuan nipui bazar inhawn huna centre-back lak tura an duh hming an ziak chhuak a. Hetihlai hian club dangin an ngaihven England defender Marc Guehi chu £50m vel bawrin hralh theih an inbeisei. (Telegraph – subscription required)
Barcelona chuan Xavi thlaktu tura an duh ber chu Sporting Lisbon boss Ruben Amorim a ni tih an tichiang ta a. Portuguese manager hi Liverpool pawhin an ngaihven viau tura ngaih a ni. (Independent)
Bayern Munich chuan Bayer Leverkusen’s Netherlands wing-back Jeremie Frimpong an ngaihven a. Kum 23 mi hi 40m euros (£34.2m) – 45m euros (£38.5m) in a lakchhuah theih ang. (Sky Sports Germany)
Newcastle chuan Bournemouth defender Lloyd Kelly chu free transfer a lak tumin an dawr. (Mail)
Barcelona chuan Spain midfielder Pedri chu inhliam a hrat em vangin hralh mai an hnial lova, nipui bazar inhawn hunah dawrtu an awm a nih chuan tha takin an dawngsawng ang. (AS – in Spanish)
Manchester United leh Tottenham ten an centre-back Jarrad Branthwaite an ngaihven vangin Everton chuan Hull City defender Jacob Greaves an thlithlai ve nghal. (Mirror)
Premier League club pali Aston Villa, Newcastle, Tottenham leh Manchester United te chu £20m senga lak theih tur Copenhagen rawlthar Roony Bardghji lak tumin an inel hlawm. (HITC)
Championship club Hull City chuan Premier League-ah an kaisang a nih chuan Liverpool atanga an hawh mek Fabio Carvalho chu a nghetin lak an tum dawn. (i Sport)
Manchester United chuan Crystal Palace chu kum 49 mi sporting director Dougie Freedman chungchangah an dawr. (Guardian)
United hian Southampton director of football Jason Wilcox chu an technical director a ruat tumin an ngaihven bawk. (Telegraph – subscription)
Manchester United chu kum 18 mi England Under-19 midfielder Kobbie Mainoo nen contract thar, contract tha zawk chungchangah indawr turin an inhawng. (Manchester Evening News)
Tu club pawhin an manager thar atan Brighton manager Roberto de Zerbi an ruai dawn a nih chuan zangna dawmna atan Brighton hnenah £12m zet an pek ngei ngei a ngai dawn. (Telegraph – subscription)