Aizawl : LADC Conference Hall, Lawngtlaiah nimin khan Administrative Training Institute leh Mizoram Consumers’ Union ta- ngkawpin ‘Consumer Awa- reness Campaign’ an buatsaih a. Joint Director, ATI Mark Lalthanliana’n kaihruaiin, YLA, LWA leh Law- ngtlai District Merchant Association member te an tel.
ATI Joint Director chuan Consumer-te dikna chanvo inhrilhhriat leh humhalh chu ‘Consumer Awareness Ca- mpaign’ tum ber a nih thu sawiin, dikna chanvo hriatna chuan diklo taka thil zuartute huangtau lutuk tur a vengin diklo taka tiluite hremna hmanraw tangkai tak a nih thu a sawi a. Consumer-te dikna chanvo leh a humhalh dan hrang hrangte chu a taka hmang ngamtu ni tur leh hemi kawnga midangte zirtirtu ni zel turin kalkhawmte a chah.
Vice President, MCU General Headquarters C. Laldawngliana’n consumer-te chanvo chungchangah zirtirna pein, dawr hrang hranga maximum retail price aia sanga thil zawrh phal a nih loh thu te, LPG leh thil dang buk tling lova hralh chu dan phalloh a nih thu te sawiin, sawrkar hnuaia service hrang hrang hman man kan chawi dan te pawh chik taka enpui thin a pawimawh thu a sawi a. Electric bill, tui bill leh LPG man bithliah leh chhut dan entirin, lungawilohna neite tan hmalak dan tur te a sawi bawk.
SDC Lawngtlai Doris Lalrinawmi’n thil diklo titu ten an phu tawk hremna an hmuh ngei theihna turin social media hrang hranga thehdarh aiin dan ang taka thuneitute hnena thlen hmasak a pawimawh thu a sawi a. PHED, Lawngtlai Watsan Division, District Civil Supply Office, District Information & Public Relation Office leh Legal Me- trology-a thawktute pawh he hunah hian telin, zawhna leh chhanna hun te an hmang bawk a ni.