Election Commission chuan inthlang tura inbuatsaihna a kalpui a tifel vek tawh a, inthlang turin an inpeih tawh. Lok Sabha inthlanpui hmabak leh state thenkhata assembly inthlan chu puang thei reng an ni tawh.
EC aiawhte hi home ministry lam nen venhimna lama inkawm leh inbuatsaihna an peih fel tawh a. Thil dangah pawh an inpeih tawh avangin tun kar tawpah emaw, karleh tir lamah emaw puang thei reng an ni tawh.
Inthlawh hi thawh hrang hranga neih a ngaih avangin venhim hnathawka duty turte tlem azawng tihfel ngai a la awm a. Hei chauh hi nghah a nih tawh avangin inthlan hi puan theih a ni ang.
Inthlan hi April leh May chhung hian thawh (phase) hrang hranga inthlan neih rin a ni a. Vote tlate pawh May chawlhkar thumna velah chhiar tura ngaih a ni.
Inthlanpui hnuhnung ber, kum 2014-a neih kha thawh kuaa inthlan niin April 7 atanga May 12 chhunga zawh fel a ni a, May 16-ah a rual veka vote chhiar a ni.
Inthlan hi puan mai theih tawh anga lang a nih laia puan a ni lo chu Congress hruaitu pakhatin Prime Minister Narendra Modi-an sorkar thil pawimawh tia a veivak an nghak niin a sawi a, EC chuan a pha thung.