MzSRLM buatsaihin nimin khan Accredited Agent for Health and Extension of Livestock Production (A-HELP) chu AH&Vety Minister C.Lalsawivunga chuan khuallian niin a hawng.
Dawrpui Multipurpose Hall-a hawnna inkhawmah AH&Vety Minister C Lalsawivunga chuan ran vulhtute tana hmalakna pawimawh leh tangkai tak tur A-HELP kalpui a ni tur chu lawmawm a tih thu a sawi a. Mizoramah ranvulha eizawng an tam thu sawiin, anmahni viltu tur Vety mithiamte erawh an indaihloh nasat thu leh he harsatna hi A-HELP hmalakna hian a rawn phuhru chho zel dawn niin a sawi.
Minister-in a sawifiah dan chuan A-HELP kaltlang hian department hna pawimawh tak tak, ran damlo enkawl, vaccination, artificial insemination, bank loan buaipui sak, awareness campaign leh animal registration te chu tih a ni dawn a. He hmalakna hi department tichaktu pawimawh tak anih tur thu a sawi bawk.
A-HELP hi Deendayal Antyodaya Yojana-National Rural Livelihoods Mission (DAY-NRLM) hnuaia Ministry of Rural Development (MoRD) leh Department of Animal Husbandry and Dairying (DAHD) te thawhona niin, he hmalakna atang hian thingtlang a ranvulhtute tan Vety Services pek a ni dawn a. He hmalakna kaltlang hian DAY- NRLM hnuaia Self Help Group member hmeichhia Livestock Community Resource Persons (LCRP) a thlanchhuahte chu he program kaltlang hian tangkai taka hman tum an ni.