Aizawl: Home Minister K Sapdanga’n police-te chu dik taka dan humhalha kengkawh tur an nih thu a sawi.
He thu hi nimina Mizoram Police Sub ordinate officers Association (MPSOA) inkhawmpui a hmanpuinaah a sawi a, Police te chu sorkar aiawha dan kengkawhtu an nih thute, dan chu dik taka kenkawh chu an mawhphurhna lian tak a nih thu a sawi.
Home minister chuan, police-te chu mahni in vawnga in veng thiam ber tura ngaih, mipuite pawhin an zah rawn a nih tih leh chu chu hre thar turin a chah a, hetihlai hian ruihhlo laka fihlim tawk lo an tam erawh pawh a tih thu leh in tuai thar an mamawh hle tih a sawi.
Sapa chuan MPSOA thupui ‘Dikna humhalh’ tih chu ropui a tih thu sawiin, an thupui chu Police officer rual te’n a lang lo ah pawh an thinlungah awrh reng thei se a duh thu a sawi a, dikna humhalh an vawn tlat chuan Mizoram siam thatna kawngah tih theih an ngah dawn hle nia a hriat thu a sawi bawk.
MPSOA inkhawmpui hi an president Inspector JH Chunglianthang’n a kaihruai a, IGP (Headquarters) Lalbiakthanga Khiangte chu khualzahawm niin thu a sawi a, pawl ziaktu leh sum enkawl tuten report an pe a, an member boralte sunna hun an hmang a, rorel inkhawm an neih bakah hruaitu thar thlanna an nei bawk a ni.