- Lallunghnema, Charity Lodge
Eng ang fa kauvin nge consumer-te hi tih chiai an niha rawk an nih thin? Engtin nge tihbuai an nih thin? Eng ang fakauvin nge tihdera bumin an awm thin, tih chu sumdawng leh thil hralhtute hian an hre chiang ber mai âwm e. Chutianga consumer-te cheksawlh an nihna atang chuan thil hralhtu chuan an hlep piah lamah an ei ru teuh teuh thin a. Thil leitute sum chu an fanghma no ei hmiah hmiah thin a ni. Hetiang sum inlaksakna tenawm tak hi dan bawhchhiatna a ni a. Mahse,thil hralhtute chuan sual lian takah an ngai si lo.Consumer Protection Act 2019 pawi an khawih tih reng an hre lova,consumerte lak hlei lenna a nih reng an hre tha duh hek lo.Hetiang inpawng nekna hi Deficiency in service leh unfair trade practice a ni a. Dan bawhchhetu chu hrem theih a ni.
Hetiang hian Sap tawnga a inziak ang angin ka han ziak chhawng ang e —
‘The ways in which consumer can be exploited are as follows’ :
1) Giving false information
2) Selling adulterated food items
3) Selling electronic goods lacking proper safety norms.
4) Charging more than listed price.
5) Selling substandard goods.
6) Indulging in unfair trade prices.
7) Not issuing cash memos or bills for the goods purchase or service rendered.
MRP aia sanga bungraw hralhte, bungraw chhia, hman tlak loh hralhte, mihring nunna atana hlauhawm electronic bungrua zawrh leh hralhte, consumer-te hnena thudilklo sawite, eitur pawlh dal leh tihchingpen te hi Consumer Protection Act 2019, sec 2 (47) hmangin khin let theih an ni. The Consumer Protection Act 2019 sec 2 (II) -ah chuan Deficiency in service hrilhfiahna hetiang hian kan hmu bawk a ni.
‘Any faults, imperfections, short coming or inadequacy in quality, nature and manner of performance by or under any law for the time being in force or has been undertaken to be performed by a person inforce’.
Mizo tawng chuan hei aia sei fe hian a sawi zau theih a, a hrilhfiah theih, ‘thil hralh leh leina a thil dik lo leh fel lo zawng zawng hi hna tha lo a ni’ hmiah mai a ni. Chu chu deficiency in service a ni. Ti tura thuziak dah leh intiam kamna tihpuitlin loh hi Consumer Protection Act huat thu sawina a ni.
MRP tel lo va lehkhabu hralh hi ‘breach of Consumer Protection law a ni’
Sawi fiah nan entirna ka han tarlang ang e.
Mr. Baglelar Akash, kum 19 mi chuan Rs. 12,500/- man lehkhabu a chah a. Chu lehkhabu a lo thlen chuan MRP a lo nei hauh lo mai a! Internet-a chutiang lehkhabu chinchang a han zawh chuan man tlawm zawk leh awmze neiin hmun hrang hrangah lei theihin a lo awm a.
Tichuan, Akash lungawi lo chuan Consumer Forum-ah Penguin Books India Pvt Ltd chu a khing ta a. Consumer Court chuan MRP ziak tel lova bungraw hralh hi ‘Unfair Trade Practice’a ni. MRP awm chhan chu thil man to lutuk ven nan a ni’ tiin thutlukna a siam a. Akash-a chu zangnadawmna Rs. 10000/- leh Consumer Court-a kal na senso phuhruk nan Rs. 2500/- pek a ni. MRP aia sanga thil hralh hi unfair trade practice a nih chu. Thubuai siam theih a ni.
MRP tarlan loh ringawt pawh dan bawhchhiatna a tlin si chuan MRP thai chhiata thil man phuah chawp fiah tawka tarlan phei chu consumer law bawhchhiatna nasa tak a va ni dawn tehlul em!
Mizo Kristian lehkhabu zuar zingah lehkhabu man phuahchawp hi an tam viau em? Lo chhang dawn teh u.