England midfielder Phil Foden leh Manchester City te chu contract thar chungchangah indawr turin an inbuatsaih a. Contract thar a ziak fel a nih chuan Foden hi City player zinga hlawh hnem ber zingah a tel dawn. (Football Insider)
City chu Portugal forward Pedro Neto nen sawizawm thar lam ber an ni a. Kum 23 mi Neto lo ngaihven mektu Liverpool, Newcastle leh Arsenal te an zawm ve leh ta a. Wolves chuan Neto manah hian £60m an chhiar. (Telegraph – subscription required)
Manchester United chuan nipui bazar inhawn hunah left-back la naupang tak lak an dh a. Club lamin board structure thar an din fel hunah lak tura an duh zual list an siam ang. (Fabrizio Romano)
United hian kum 18 mi French centre-back Leny Yoro chu Lille atangin an lak fel theih a beiseiawm a. Yoro hi £41m sengin an la fel thei dawn. (Teamtalk)
Tottenham chuan London-a an elpui lian Arsenal leh Chelsea ten lak an tum Athletic Bilbao leh Spain forward Nico Williams chuhpui ngei an tum. (Mirror)
Spurs hian an captain Son Heung-min nen contract thar chungchanga an indawrnaah hlawhtlinna an chan ngei an beisei a. The South Korea forward Son hian tuna a contract neih mek hi kum 2025 nipui bazar laiin a hmang zo ang. (Give Me Sport)
Sum harsatna vangin England midfielder Conor Gallagher leh Chelsea te contract thar chungchanga an indawrna a tlawlh. (Football Insider)
Liverpool leh Arsenal te chuan Fulham leh Portugal midfielder Joao Palhinha an ngaihven viau a. Nipui bazar liam taa lo ngaihven tawhtu Bayern Munich pawhin kum 28 mi hi an la ngaihven ve reng bawk. (Teamtalk)
Liverpool chuan kar thar hian Michael Edwards chu an hnenah a kir leh dawn tih an nemnghet thei dawn a. Richard Hughes chuan sporting director hna a zawm thar dawn bawk. (Sky Sports)
Arsenal leh Chelsea ten England striker Ivan Toney an ngaihven zui theih nan Brentford in an chhiarna zat tih hniam an mamawh dawn. (Mirror)
AC Milan chuan Fulham a contract hmang zo mai tur English defender Tosin Adarabioyo an tlithlai zui zel. (Calciomercato – in Italian)