Nimin khan ZPM Party chuan Republic Veng Community Hall-ah Executive Committee Meeting leh Political Affairs Committee Member thlanna hun an hmang. He hun hi Lalliansawta President, ZPM Party-in kaihruaiin, C. Lalremliana, Chairman Mizoram KVI Board chuan hunserh a hmang.
He hunah hian ZPM Party kal zel dan tur leh thil dang pawimawh tak tak an ngaihtuah a, chung zingah chuan party hmasawn zelna atana Executive member ruat belh chungchang bakah ZPM Party Constitution (DAN BU) Ammendment chungchangte an sawi ho. Kan hma lawka MP election lo awm tur atana in fuih tharna hun an hmang bawk.
Chawhnu lamah Political Affairs Committee Member thlanna hun hmang chhunzawmin, Mizoram College Teacher Association (MCTA) hruaitute kaihhruaina hnuaiah in thlan hi tluang taka neih a ni a, PAC Member thlan tharte chu heng mite hi an ni-
BC Tawna
C. Lalthanfela
Er. Hmingluana
Lalmuanpuia Punte
RD Lalrammawia
R. Lalchawia
R. Lalchhuanmawia
SL. Ngursailova Sailo
TBC Lalvenchhunga
Vanchunglura