Chelsea chuan an tlarhma thuamchak tura an awh em em Napoli forward Victor Osimhen chu nipui bazar inhawn hunah an chan loh mai an hlau ta hle. Nigeria striker Osimhen lak tuma intlansiak zingah Paris St-Germain leh Arsenal te an inel fal mek nia hriat a ni. (Teamtalk)
Paris St-Germain in Kylian Mbappe hmunruak luahtu tura an duh Manchester United forward Marcus Rashford chuan nipui bazar inhawn hunah PSG a pan a beiseisawm loh. (Sky Sports)
Juventus midfielder Weston McKennie chu Manchester United in nipui bazar inhawn huna lak an tum zingah a tel a. USA midfielder hi Real Sociedad leh Spain midfielder Martin Zubimendi aiin an ngaihven ta deuh zawk. (Givemesport)
Manchester United in Mason Greenwood chu a ngam huai ber hnenah hralh tura thutlukna an siam tak vang leh a manah pawh 50m euros (£42.7m) an chhiar vangin Getafe chuan loan a an hawh mek Greenwood hi an lei ngheh theih hmel ta lo viau. (Marca – in Spanish)
Manchester City chuan an hnena kum khat daih chauh contract nei tawh Belgium midfielder Kevin de Bruyne nen contract thar chungchanga indawr hun tur an sawn hla. (Football Insider)
Chelsea chuan Bournemouth defender Milos Kerkez lak tumin an dawr a. Kum 20 mi Hungary international hi Manchester United in an chuhpui thung. (Mirror)
Arsenal in lak tumin ngaihven bawk mah se Brazil midfielder Douglas Luiz chu Aston Villa in kawl chhunzawm theih ngei an inring. (90min)
England manager Gareth Southgate chuan Euro 2024 a zawh fel zet hma chuan a hma lam hun tur chungchang sawipui rih lo turin Football Association a hrilh thu a puangzar. (Mirror)
Nipui bazar inhawn hunah Newcastle United in an manager rawih mek Eddie Howe an thlak dawn a nih chuan Manchester City manager hlui, Saudi Arabia coach ni mek Roberto Mancini chu Magpies manager thar ni thei zingah a tel. (HITC)
Newcastle chuan Dan Ashworth chuan Manchester United pan fel thuai thuai se an duh a. Monaco sporting director Paul Mitchell chu Ashworth hmunruak luah tura an duh zingah a tel. (Telegraph – subscription required)
Club Bruges forward Antonio Nusa chuan Premier League lam atangin ngaihven a hlawh hle a. Kum 18 mi Norway international lak tumin Tottenham, Arsenal, Chelsea leh Manchester City te an intlansiak hlawm. (Fichajes – in Spanish)
Chelsea chuan veteran defender Brazil defender Thiago Silva hmunruak luahtu tur an dap a. Nipui bazar inhawn hunah Lille centre-back Leny Yoro lak luh an duh. (Standard)
Manchester United, Chelsea leh Arsenal te chuan Barcelona leh Spain rawlthar Pau Cubarsi an ngaihven hlawm. (Football Espana)
Chelsea in player thar la tura an player neihsa an hralh hmasak zet a ngaih vangin Newcastle United leh Arsenal te tan Sporting Lisbon leh Ivory Coast centre-back Ousmane Diomande lak theih a beiseiawm leh zual. (Football Insider)
Manchester City chuan £250,000 vel bawrin France-born teenager Timeo Whisker chu Cardiff City atangin lak an tum. (Athletic – subscription required)
Santos chuan Al-Hilal tana khel mek Brazil forward Neymar chua football a chawlhsan hma ngeiin a chawr chhuahna club an hnenah a let leh ngei an ring. (Mundo Deportivo – in Spanish)
PSV Eindhoven chuan loan a an hawh mek pahnih; full-back Sergino Dest leh midfielder Malik Tillman te chu a ngheta lak theih an inbeisei. (ESPN)