ZPM Upa Committee chuan Chief Minister Lalduhoma kaihhruai, Mizoram Sawrkar-in Assembly Budget Session a neih hmasak berah Tar Pension (Old Age Pension) Rs 100/- (Cheng Za) ni thin chu Rs 1000/- (Cheng sangkhat)-a a tisang dawrh mai hi a lawmawm kan tiin kan chhuang tak zet a ni. Kum Upa (Tar) zawk te tan leh an chhungkaw tan chanchin lawmawm ava ni em! Sawrkar tan sum tam tak senna tur nimahse a ngaihna hriain thuneihna an han chan chuan a tih dan an hre mai a lo ni, tiin thuchhuah an siam.
Hetiang hamthatna chang ve hman ta lova kan nu leh pa tam tak mual min lo liamsan tate kan ngaihtuah phei chuan ZPM hian Sawrkarna a lo chang har mah mah a ni kan ti a. Thawhchhuah nei mumal thei tawh lo, Kum Upa (Tar) ten thlatin Rs 1000/- (Cheng sangkhat) lai mai chhungkaw tan an han lalut ve thei tur hi an nun a hlim phahin rilru thar an neih phah ngei ang tih kan ring a. An tana hamthatna thlentu Mizoram Sawrkar chungah kan lawm a, Chief Minister Lalduhoma leh a Department changtu Minister, Lalrinpuii te kan chhuang che u a, in kal zelna turah venpui tur che u in inhnungah kan ding reng e, tiin an thuchhuahah chuan an tarlang.