Version thar hlak, Redmi TV chu February 9 hian India-ah tlangzarh a ni dawn ta. Company hian Redmi Note 11S leh Redmi Note 11 rualin, Redmi Smart TV X43 a phochhuak ang.
4K HDR, Dolby Vision, Dolby Atmos te nena thuam hi ngaihven a hlawh viau tawh a, manto tak ni si lova chhawm tel leh pai tel tha tak tak a neih bawk avangin bawhhuk a ni leh lovang tih a sawi theih loh.
Redmi Smart TV X43 hi 30W speakers, Dolby Audio mil thlap a nih vangin sound lamah pawh rual awh a na dawn lova, flagship performance tha tak pe chhuak tura duan a ni miau a, quad-core MediaTek SoC dah a ni lehzel bawk nen, thlamuanpui tham a tling ang.
He TV hi Xiaomi kut-chhuak PatchWall software thar ber chhawm tir a ni a, Android TV tha tak a ni e.
Redmi Smart TV X50 hi Amazon India-ah Rs 37,999 in a chah theih laiin, 43-inches model hi sing thum velin khawrpum theih beisei a ni.