Nimin khan Central Bureau of Communication, Field Office, Aizawl, Mizoram bultumin National Institute of Technology Mizoram, Academic Block 8 ah thupui thlanbik hmangin programme buatsaih a ni.
Lalginlen Lhouvum, CBC, Aizawl In-charge chuan mipui kalkhawmte lawmna leh programme neih chhan tlangpui a sawifiah.
He hunah hian Dr. Konthoujam Gyanendra Singh, Dean Student Welfare, NIT, Mizoram chu Khuallian niin hun a hman pui a. Hetiang programme pawimawh CBC in an Institute a an buatsaih chu lawmawm a tih thu a sawi.
Dr. C. Lalhmanmawia, Associate Professor & Convener, Electoral Literacy Club, Govt. Aizawl North College chu Resource Person niin, ani hian India ram hi khawvelah Democracy ram lian ber leh inthlang ram kan ni a. Vote nei tawh ten vote thlak ngei ngei tur a ni tih leh vote la nei turte pawhin vote thlak hi kan tih makmawh a ni. MLA leh MP chauh ni lo V.C, Local Council leh Panchayat ah te pawh vote thlak zel tur a ni tiin student te a fuih a. Vote la nei lo tan voter ID online kaltlang a tih dan tur leh thiltel tur pawimawh te, EVM hman dan Powerpoint hmangin a hrilhfiah bawk.
He hunah hian Quiz Competition neih niin lawmman sem nghal a ni a. Bawngkawn, Daw-Re-Me Drama & Cultural Club ten Sarlamkai an entir a. M.K.Kim chuan lawmthu sawina a nei bawk.