Nimin khan Directorate of Women & Child Development Department leh Mizoram University tangkawp chuan POSHAN Pakhwada 2024 denchhenin Mizoram University Campus ah Health & Nutrition Walk an hmang.
He Health & Nutrition Walk 2024 Flag Off na hun hi Zonunthari, Joint Secretary Social Welfare, Tribal Affairs & Women & Child Development Department in a nei a, hnam hrisel leh than tha kan nih theih nan keimahni rilru leh taksa hrisel kan neih a pawimawh bakah chawtha chi hrang hrang kan ei a tul thu a sawi.
Hemi hnu hian Mizoram University Auditorium ah awareness session hun hman chhunzawm niin, Sailopari Deputy Director, Directorate of Women & Child Development chuan he hun hi a kaihruai a, Dr. Martin Chawngsailova’n Non-Communicable Diseases- Healthy Lifestyle chungchangah kalkhawmte zirtirna a pe a ni.
Poshan Pakhwada hi Nutrition Fortnight niin 2018 atang khan kumtin March thlaah hman thin a ni a, kumin pawh hian Directorate of Women & Child Development bul tumin line dpeartments hrang hrangte nen a thawk hoin State, District leh ICDS Project hrang hrangah te March ni 11, 2024 atang khan hman tan a ni a. March ni 22, 2024 ah he POSHAN Pahkwada 2024 kharna hun hi neih a ni ang.