NE OlympicGames : Day 2 – March 20(Nilaini), KHAIKHAWMNA

1. Table Tennis : Mipa team Gold
   Mizoramin final-ah Assam 3-1 in an hneh. Mizoram team hi Jeho Himnakulhpuingheta (Lunglei Chanmari), Alberto LR Ruata (Mission Veng), Lalruatfela (Kolasib) leh Thangsiansanga (Nursery) te an ni a, coach Lalngainatawma (Tuikhuahtlang) leh C. Lalrinzuala (Mission Vengthlang) ten an ho a ni.
2. Badminton – Mipa team Gold
   Mizoramin final-ah Nagaland 3-1 in an hneh. Mizoram team hi Roger Lalthlamuana (coach) leh Vanlalrinawma (manager) ten an kaihruai a; gold medal latute hi Saitluangpuia Sailo, C. Lalramsanga, Joseph VL Ringngheta, C. Lalramzauva, Joseph Lalhruaitluanga, Lalrinawma leh Laldintluanga Tlau te an ni.
3. Wushu : Gold-1, Silver-1; Bronze-2
   Mizoram tan Nazreth Lalthazuala’n (56 kg) gold a la a, hmeichhe inelnaah Lalmuanzuali’n (52 kg) silver a la. Vanlalremruata (52 kg), leh C. John Denise (70 kg) ten bronze an la bawk.
4. Football : Semifinal an lut
   Mizoramin Assam 3-2 in an hneh a, Manipur 4-0 ngawta an sawp tawh avangin semifinal an lut. Mizoram tan Vanlalthanga’n goal hnih a khung hnuah Malsawmfela’n chakna goal a khung.
5. Basketball : Semifinal an lut
   Mizoram mipa team-in nimin khan Meghalaya 88-39 in an hneh a, Assam 75-63 a hneh tawh bawkin semifinal an lut. Naktuk hian match hnuhnung berah Tripura an hmachhawn leh ang.

Hmeichhe team-in Assam 69-39 in an hneh lo a, semifinal lut turin naktukah Meghalaya an hneh ngei a tul ang.

6. Athletics
   Mizoram mipa leh hmeichhia te 4x100m Relay-ah palina ve ve an ni a, medal la pha lo mah se Aizawla an training-na aiin an tlan tha zawk. 10,000m intlansiakah Malsawmtluanga chu pasarihna a ni bawk.

10,000m – 37 min 24.47 secs (7-na)
Malsawmtluanga (Thenzawl)

Mipa 4x100m Relay – 44.64 secs (4-na)

1. VL Hmachhuana (Ramhlun South)
2. Letjakai Lenthang (Republic Veng)
3. Nicholas VL Hmangaiha (Seling)
4. VL Remruatpuia (Sialhawk)

Hmeichhia 4x100m – 54.86 secs (4-na)

1. Esther Zonunsangi (Siaha)
2. Vanlaltleipuii Chhangte (East Lungdar)
3. Rualchhingi Ralte (Zonuam)
4. Elisian Medai (Lunglei – Serkawn)
5. Tennis – Mizoram an chak
   Mizoramin ni khatnaah Meghalaya 3-0 in an hneh a, vawiinah Assam 2-0 in an hneh. Lalrinpuia leh Basil L Khuma ten an khingpui an hneh ve ve.

Mens Singles-ah vawiin tlai dar 5:30-ah Lalrinpuia leh Huidrom Becker (Meghalaya) te an inkhel ang.

Mens Doubles-ah zanin dar 7:00 hnu lamah Basil Khuma leh Lalrinpuia te tangkawpin Assam aiawh Sheikh leh Thapa te an hmachhawn ang.

8. Archery : Bamboo (Indian round)-ah Isaak Lalchuailova, Laldampuia leh K. Lalrosanga te an la inkap tling. Vanlalhruaizela a tla a, recurve-ah Ramdinpuii a tla bawk.
9. Volleyball : Group stage
   Mizoramin Tripura straight set (3-0) in an hneh tawh a, zanin dar 6:30 hian Meghalaya an hmachhawn leh ang.