Zase Solo (22) s/o Marahrothie, Siaha chu nimin chawhma khan Bawngkawn leh Hunthar inkar kham hnuaiah thia hmuh a ni.
Thudawn danin, MLA hlui Pu KT Rokhaw te in Hunthar Venga cheng Zase Solo hi Thawhlehnia hnathawka a chhuak chu a haw lo avangin zawn a ni a, a scooty chu Bawngkawn Sairang Road 407 stand bulah hmuh a ni a, a lirthei an hmuhna bul hi kham a nih avangin a che sual palh thei nia ringin Central hnuaia Disaster respond team chuan Nilaini zan khan an enfiah a, zan thil anih avangin an hmu lo.
Nimin khan Central Disaster respond team, Hunthar Veng YMA leh DM&R hnuaia thawk ten zawng lehin, chawhnu dar 2 bawr vel khan Kham mawngah hian Zase Solo ruang hi an hmu a ni.
Zase solo ruang an hmuhna kham hi a chheng chhiat avangin ruang lak chhuah pawh a awlsam lo a, tlai dar 3:30 bawr vel khan a ruang hi lak chhuah a ni a, postmortem nghal a ni.