Mizoram Pradesh Congress Commitee (MPCC) chuan nimin khan April ni 19,2024-a Lok Sabha MP inthlan lo awm tura an cadidate tur an puang a, Police officer pension Lalbiakzama chu an candidate dawn a ni.
Congress candidate tur puangtu an president Lal Thanzara chuan an candidate chu MP atan thlan tlin a nih chuan eptu tangkhawm Indian national developmental inclusive alliance (INDIA) thutnaah a thu anga, Mizoram, hnam leh sakhaw him nan theih tawp a chhuah dawn tih a sawi.
Inthlan lo awm turah hian chakna an chan ngei an beisei thu sawi bawkin, BJP-in kristian te nuai chi mih vek tuma a hmalakna dodal tu awm chhun Congress party candidate hi mipuite pawhin an vote ngei kan ring a, ram, hnam leh sakhaw him nana bei tur hi vote turin mipui kan sawm bawk, a ti.
Zawhna chhangin Congress Presiden Lal Thanzara chuan, Lok Sabha MP inthlanna awm turah hian MNF party nen thawk duna candidate in tawm siama hmalak an tum phawt thu leh an in rem theih tak loh avangin thawhhona an tumna a tlawrh ta tih a sawi a, MNF lam hian min rawn be hmasa a, an rawtna angin inbiakna neih a ni a, thawkho tura kan in ngaih laiin Congress in a do ber BJP kaihhruai NDA/NEDA-a member an nihna inhnukdawk tura kan ngenna chu an tih theih tak loh avangin a hranin candidate kan nei ta a ni, a ti.
Congress Candidate Lalbiakzama chuan ram, hnam leh sakhaw him nan theih tawp chhuah a tum thu a sawi a, India ram chu dinhmun derthawngah a dingin, keh chhiat te pawh a hlauhawm hle tihte, hemi avang hian mi thil chik mite chuan ngaihtuah an sen a tul hle tih a sawi a, eptu tangho INDIA chu an chet that a rin thu leh a pui turin Zoram mipuite a sawm thu a sawi.
Lalbiakzama hi March 1, 1960 khan Aizawl Venghlui-ah a piang a, Kum 1988 kumtirah Mizoram Police Service zawmin, sorkar hna a thawh lai hian district hrang hrangah SP hna te thawkin, Traffic SP hna te pawh a thawk tawh a, Home Department-ah hian a pension thleng awmin Secretary thlenga kaisangin Mizoram Police Service atanga Home Secretary ni hmasa ber a ni.