Manchester United chuan Brazilian Cesemiro hmunruak luahtu atan Wolves midfielder Joao Gomes lak an tum. (Mirror)
Arsenal, Liverpool, Manchester City leh Manchester United te chuan Real Madrid leh Brazil forward Rodrygo lak an duh hlawm a. Spanish club lian hian Rodrygo lak nan £85m tawktarh an awm a nih chuan indawr turin an inhawng. (Sport – in Spanish)
Liverpool chu Cameroon defender hlui Joel Matip leh ex-Spain midfielder Thiago Alcantara leh Spanish keeper Adrian te nipui bazar inhawn hunah chhuah phalsak turin an inhmakhua. (Football Insider)
Manchester United in lak an tum Everton centre-back Jarrad Branthwaite chu Real Madrid in an chhuhpui dawn. (Give Me Sport)
Spanish club Getafe chuan loan a an hawh mek England forward Mason Greenwood chu United in a chhuahtir dawn a nih chuan lak luh theih an inbeisei. (Sun)
Barcelona chuan Everton atangin £80m man Senegal midfielder Amadou Onana lak ngei an duh a. Everton hnenah hian Onana mana kal tel tur player pali te atang an duh thlang turin tawktarh an siam a. Everton in duh thlan theih tura an chhawpchhuahte chu Spain winger Ansu Fati, France centre-back Clement Lenglet, United States right-back Sergino Dest leh Spanish midfielder Fermin Lopez te an ni. (Sport via Teamtalk)
Liverpool nena sawi zawm Netherlands midfielder Teun Koopmeiners chuan a khelh meka Atalanta hnenah nipui bazar inhawn huna chhuah a duh thu a hrilh. (Metro)
United neitu thar Sir Jim Ratcliffe a lungawi rih vangin Manchester United manager Erik ten Hag a dinhmun a him rih a, tun season chhung chuan ban a tawh hmel loh. (Guardian)
United leh Brighton te chuan English midfielder Kiernan Dewsbury-Hall lak an tum a. Premier League-ah Leicester City an kir thei lo a nih chuan kum 25 mi Hall hi man tlawm zawkin an lak theih a beiseiawm. (90min)
Germany forward Timo Werner chuan RB Leipzig atanga a zawm mek Tottenham Hotspur chu a nghetin zawm a lo duh sa tawh a. Chelsea a lo khel tawh Werner hi a tlawm berah pawh £15m vel bawrin a lak theih ang. (Telegraph)
Arsenal leh France striker Alexandre Lacazette chu Saudi Arabia club ten an ngaihven hlawm. Kum 32 mi hi Saudi Arabian club in Europe-a player an ngaihven langsar thar lam ber a ni. (L’Equipe)
West Ham chuan nipui bazar inhawn leh hunah Manchester United leh England defender Harry Maguire lak an tum leh dawn. (Football Insider)
Maguire chuan England manager ni mek Gareth Southgate chu Manchester United in Erik ten Hag thlaktu atan duh bawk mah se Three Lions enkawl chhunzawm zawk turin a duh. (Express)
AC Milan chuan Nottingham Forrest-ah loan-a an chhuahtir mek Belgium forward Divock Origi chu an hnena a kir leh hunah hralh law law an duh. (Calciomercato – in Italian)
Newcastle chuan Feyenoord leh Netherlands defender Quilindschy Hartman an ngaihven a. Left back duh thlan tur an neih tam zawk theih nan Hartman hi lak an duh. (Football Transfers)
Manchester United leh Sweden defender Victor Lindelof chuan Red Devils tan khel zel tura a insawrbing thu a sawi a. Tun maiah chuan Saudi Pro League pan tumna a nei rih lo. (Fotbollskanalen – in Swedish)