Princess Kate Middleton-i cancer vei thu chuan khawvel a denchhuak rang hle a, Easter Sunday pawh Biak In lamah an hmang thei ta lova, kum danga an pelh ngai loh kohhran hun ruat chu an tihlawhtling thei dawn lo.
Kumin January khan Kate hi a pum an zai a, hun eng emaw chen Princess anihna anga a tihtur leh mawhphurhna a hlen thei rih dawn lo nia puan a nih hnu-ah tunhnai mai khan a cancer thu in khawvel mipui a barakhaih zui ta a ni.
Prince William leh Kate te hian fa pathum- George (10), Charlotte (8) leh Louis (5) te an nei a, dam lohna vangin March 31, 2024-a St. George Chapel, Windsor Castle-a kumtin neih thin Easter Sunday puala hun serh hmannaah chhungkaw kimin an hmel hmuh a beisei awm ta lo.
Kum dang zawngah Kate leh William te hi Lal chhungkaw member zingah pawh kohhran hun serh pawimawh angah te an inlan zat zat thin a, mite ngainat leh fak an hlawh thin hle.