English club ropui Manchester United chuan neitu thar an nei Sir Jim Ratcliffe an nei. United neitu thar Sir Jim Ratcliffe a ta INEOS group hi French club lian Nice neitu an ni bawk. Heti a nih vang hian United leh Nice te hian Europe-a inelna an hmachhawn dun thei dawn lova, Nice hian United kawng an kal thei dawn.
Europe a football thuneitu sang UEFA chuan mi pakhat club pahnihten inelna thuhmun hmachhawn an phal lo. Tarlan tawh angin United neitu thar Sir Jim Ratcliffe hian Nice, FC Lausanne-Sport leh Racing Club Abidjan-ahte neitu nihna a nei bawk. United leh Nice te hi champions league khel tura an tling ve ve a nih chuan pakhat zawk zawkin UCL an hmachhawn thei dawn lo. Chutiang zelin Europa League leh Europa Conference League an hmachhawn dun thei lo bawk. Tun dinhmunah chuan UCL khel tura an tling ve ve a nih chuan United zawkin UCL an hmachhawn thei dawn lo.
Nice hi Ligue 1 lamah pangana an ni mek a, United hi EPL-ah parukna an ni mek thung. Tualchhunga an dinhmun hmanga teh an nih dawn vangin tuna an dinhmun ang hian season tawp an khar ve ve a nih chuan Nice in Europa League an hmachhawn ang a, United in Europa Conference League an hmachhawn ve thung ang. FA Cup-ah United an champion a nih chuan inelna pakhat hmachhawn turin tling dun pawh nise United in dinhmun tha zawk an luah ang a, Nice hi a lang zawkah an tang ve thung ang.