Aam Aadmi Party Mizoram chuan BJP chu Indian Constitution hnuaia sakhua leh mimal zalenna nuai bo tumah puhin, Mizoram mipuite chu BJP sorkar do turin an sawm.
Hemi chungchanga thuchhuah an siamah AAP Mizoram chuan AAP National Convener leh Delhi Chief Minister ni bawk, Pu Arvind Kejriwal chu BJP-in dawta an puh avangin Enforcement Directorate ten PMLA Act hnuaiah an man tihte, he policy-a hming ziak ve dang man loa, AAP hruaitute thubuai an siam sak chu thil dik lo a nih thu leh hei hi BJP-in an tana hnawk tura an rin dah bo zel an tumna ni bera a lan thu a sawi.
BJP sorkar hmalakna chu AAP Mizoramin an dem tak zet tih an sawi a, Arvind Kejriwal leh AAP hruaitu dangte dik lo taka an hren behna atan hhuah zalen thuai turin BJP sorkar an phut tih an sawi a ni.