Thla hnih liam ta, January 13, 2024 khan tuna view maktaduai 10 chuang nei tawh ‘Duhaisam’ MV hi YouTube-ah dah a ni a, ni 5 chhung lekin Mizo hla a Million view rang ber record an siam nghal.
He hla mawi tak satute hi Young Fella leh Mary Dawngi te niin, a lar ta em em mai hi an rin phak bak leh mumangah pawh an hmuh phak loh thil a nih thu an sawi.
Mary Dawngi chuan, “Pathian malsawmna liau liau a ni a, mipui duhsakna kan dawng a, music siamtute leh hlaphuahtute an thiam bawk a, an zar kan zo a ni,” a ti.
An theihna leh thiamna zawng zawng nen a he hla hi buatsaih ni mah se, heti tak a lar erawh an beisei ngam lo.