Thawhtanni zan khan Mizoram Ex-services League (MESL) Headquarters hruaitute chuan MESL hruaitu MLA a thlan tlinte lawmpuina hun an hmang.
HQ MESL a President nilai mek Lt Col Clement Lalhmingthanga chu Champhai South Constituency atanga MLA atana thlan tlin niin, HQ MESL a Executive Committee Member nilai mek PO TBC Lalvenchhunga chu Aizawl West-I Constituency atangin MLA ah thlan tlin a ni bawk.
HQ MESL a Senior Vice President ni lai mek leh MLA pawh lo ni tawh thin Lt Col ZS Zuala’n he hun hi a kaihruai a. Sipai pensioner ten Mizoram tan an thawhhlawk thin ziate, Legislator pawh tam tak an lo awm tawh thin thute a sawi a.
Ex-servicemen tuna MLA a thlan tlin te chu ram tan theihtawp chhuah tur a fuihin duhsakna a hlan.