Champhai district-a Bank hrang hrang kaltlanga kum 2023-2024 December quarter tawp thlenga hmalaknate thlirletin nimin khan District Consultative Committee (DCC)/District Le- vel Review Committee (DLRC)/District Level Security Committee (DLSC) an thukhawm a. Champhai Bawrhsap James Lalrinchhana ka- ihhruaia thutkhawmah hian Champhai District RD block 2 huamchhunga Bank leh Stakeholder hrang hrangte hmalakna thlirho niin, Lead District Officer (LDO) Mrinal Giri, Manager, RBI Aizawl in a telpui bawk.
Champhai Bawrhs- ap chuan mipui hnenah bank kalphung leh chh- awr tangkai dan uar leh zuala zirtir a pawimawh thu sawiin, bank branch tin te chu financial literacy campaign tam zawk neih tum turin a chah a. Credit Deposit Ratio tun aia tha zawk nei tura tanlak a tul thu a sawi.
Social Security Sch- eme-te ngaihpawimawh a tul thu pawh sawiin, hemi kawnga bank hma la tha tawk lo te chu theihtawp chhuah turin a chah a. Loan dil leh buaipui kawngah Line department leh Bank branch-te inkarah thaw- hhona tha a awm a tul thu sawiin, loan latute pawh mawhphurhna an neih te hriaa tha taka loan rul thin turin a chah bawk.
He thutkhawma tarlan a nih danin nikum December quarter chh- unga Champhai Distri- ct-a bank hrang hranga pawisa dahluh leh pek chhuah zat inthlauh dan khaikhinna Credit Deposit (CD) Ratio chawh rual chu 69.40% a ni a, quarter hmasa September 2023 quarter tawpa CD Ratio 68.27% aiin 1.13% in a pung a; hei hian CD ratio tha ni tura hniam lam bituk zat 60% chu a khum a ni. Hemi hun chhung hian bank-ah Rs. nuai 55067.17 dahluh a nih laiin bank-in pawisa a pekchhuah zat chu Rs. nuai 38214.35 a ni.
Social security sche- me hnuaiah Pradhan Ma- ntri Jeevan Jyoti Bi- ma Yojana (PMJJBY) hnuaiah inziaklut 5429 awmin, Pradhan Mantri Suraksha Bima Yojana (PMSBY) hnuaiah inziaklut 7890 an awm a. Atal Pension Yojana (APY) hnuaiah 616 an inziaklut.
Mudra Loan mi 338 te pek niin, Rs. nuai 1817.12 pek chhuah a ni a. KCC/ST Crop Loan mi 247 hnenah Rs. nuai 411.90 (15. 11%) pek niin, Bank chhawr tangkai dan inzirtirna Financial Literacy Campaign (FLC) tum 27 neih a ni.
Bank branch-te chu- an pawisa thir an dawn theih reng thu an sawi a. Pawisa chhia hman tlak loh te thlak zung zung a nih theih nana hma la theuh turin ba- nk-te chu chah an ni. Heng bakah hian bank-in sum a kawl theih zat Currency Management -Remittance leh Security chungchangte an sawiho bawk.
Financial Year 2023-2024 December qu- arter tawp thleng khan Champhai District-ah bank branch hrang hr- ang 18; Commercial Bank 5, Private Bank 5, Regional Rural Bank 7 leh State Cooperative Bank 1 bakah ATM 10 a awm a ni.