AZL: Miss Mizoram 2024 thlanna kal mekah nimin chhun khan MJA, Lawngtlai District leh Hnahthial District-te chuan an district aiawha tel turte Aizawlah an puang a; district miss lallukhum an khumtir bakah, sash an bahtir.
Lawngtlai District Miss puanna leh lallukhum khumtirna hi Aizawla Lai House, Bungkawnah buatsaih a ni a, Lawngtlai District MJA Vice President Lalchharliana’n kaihruaiin, President Elvis Lalthangzuala’n Lawngtlai District Miss chu L Lalnuntluangi d/o L Thangzela (L), Sangau a nih thu a puang.
Lai House Aizawl Deputy Resident Commissioner T Lalhminghlupuii’n miss lukhum a khumtir bakah, sash a awrhtir a ni.
L Lalnuntluangi hi Hrangbana College-a 6th semester zirlai a ni a, Tuikual South-ah a cheng mek. Miss Mizoram contest-a a inbuatsaihna atan MJA, Lawngtlai District chuan Rs 10,000 an hlan nghal.