Mizo zinga video leh a chhevel react lam thila hriathlawh ber zingami leh Triau Trackx drummer hlui ni bawk Ramengmawia chuan ‘RamBoss’ tia hriat a nih chhoh dan te, YouTube-a a hit chhan te, vauna a dawn te bakah Aizawl lama inkhuar a rilruk dan te thlengin heti ang hian a sawi:
“MZU kan kal lai khan hostel-ah kan awm a, kan thianpa hian Facebook min siamsak a; hming hmasa, hming lai leh hming hnuhnung awm hun lai khan. ‘Engnge kan dah dawn?’ a ti a, ‘Rambo ti mai rawh’ ka ti a, ‘Sap ah Rambo a awm tawh a, a inthlarunawm. ‘S’ belh leh mai rawh,’ ka ti a, khata atang khan chhum lo chat lovin ka RamBoss chho ta a ni.”
- FIR
“React bikah FIR vawi thumin min rawn vau ve tawh. Chuan, thiltih hi chu a ‘master’ nghal theih lova, a tirah khan ka shoot tha ngun ve a maw.. ka han ngaithla a, sawi tur te hi ka hre lo ve thin.”
- ‘HIT’ CHHAN!
“Pakhatna ah chuan, Pathian malsawmna ka ti lo thei lova. Chui bakah chuan, ka rilru ka sawi pawp a, thiam lo ka tih chu ‘Thiam lo’ ka ti mai a. FB angah te pawh, hmel lang a thiam tih loh te- thiam an tih loh anga an sawi hian an mahni (Viewer)-ah ‘satisfaction’ an lo nei ve in ka hria a, thiam an tih lai tak kha kan lo sawi fuh chuan ‘satisfaction’ a awm bawk a. Khan’g vel kha ‘Honest’ deuh a ka sawi mai thin hi a niin ka hria.”
- AIZAWL LUHCHILH DAWN EM?
“Pathianin rem a tih chuan full-time hi ka tum chho angreng khawp mai a. Champhai a ka awm hi chuan ka ti ang a, amaherawhchu, In dang tur ka nih chuan Aizawl a rawn indan ka duh a, Aizawl a ka Indan chuan tuna ka hna (Teacher) ka bâng ang. Mahse, Champhai a ka awm rau rau hi chuan tuna ka hna hi ka bansan lo ang. Ka zirtirna a nghawng dawn a nih chuan thawk tlâk ka ni lo, a ni mai a. Mahse, a nghawng lova. ka zirtirnaah pawh ka theihtawp ka chhuah theih a, Youtube nen a insut buai loh ve ve chuan ka thawk tho ang.”