American YouTuber hriathlawh Addison Peierre Maalouf chu Haiti-ah rukbo niin, a tlan chhuah nan $600,000 an phut.
Gand pawl pakhat 400 Mawozo te chuan YouTube channel ‘YourFellowArab’ siamtu hi Atlanta atanga Haiti a lut hnu darkar 24 ral hma in an rubo nghal a, Haitian a thawhpui pakhat pawh gang ho hian an hruaibo.
Tun dinhmunah sum phut atangin $40,000 an pe fel tawh ni awmin, tualchhung media te’n an tarlang a, inbiakna khunkhan tak an nei mek.
Maalouf hian rambuai tak ni mek Haiti ram pan a tum thu hi a zin hma lawkin a sawi lang a, “Ka lo thi ta a nih pawhin ka kutchhuak video te in lo en vangin ka lawm a. Ka damchhuak a nih hlauh chuan pathian ropui ber rawh se,” tiin social media-ah a post nghe nghe.