Nikum October-a Dream Theater a zawm leh hnu-ah khuangpu leh band dintute zingami ni bawk Mike Portoy chuan album tharin a barakhaih hle tih a sawi.
Band chhuahsan thut vanga ‘Fapa tlanbo’ nen a thekhin hial lo kirlehna tur band album 16-na tur hi hming leh hla awm tur zat sawi la ni lo mah se, an beisei ai daiha tha zawk a an hriat vangin an ngaihtlak nawn fo pawhin mak an ti lutuk chu an hmul thi te thlengin a ding sur sur mai a ni awm.
Portnoy chuan, “Tun dinhmunah album thar hi chiphchiar taka sawi theih a la ni lova, chutih rualin min tiphur hle mai a, mak hi kan tawp a ni ber mai. Phur nanem lovin kan phur tawh a, in ngaihthlak hlan kan nghakhlel hle tawh bawk. Mahse, lo dawh thei hle ula, a hun takah kan inhriattir leh ang,” a ti.
Albyum thar hi 2010 kuma Dream Theater a chhuahsan hnu-a band khuanpu anga kan ngaihthlak hmasak ber tur a ni ang a, 2009 kuma ‘Black Clouds and Silver Linings’ album-ah a kuthnu hnuhnung ber ni tura ngaih a nih laiin, drummer Mike Magnini-a’na rawn thlak.
Magnini nena album panga an tihchhuah hnu-ah Dream Theatre-in classic member tia an hriat James Labrie, John Petrucci, John Myung leh Jordan Rudess te nen a inlan dawn ta chu a ni a, nghahhlelhawm tak a tling.