Nupa inthenna lunchhiatthlak leh rilrunatthlak tak ni bawk si a tawn hnu ah Shakira chu rilru thar ngaihtuahna thar nen chechhuakin, ‘Las Mujeres Ya No Lloran (Women No Longer Cry) music album nen a rawn kir ta.
A pasal nen khawvelhriatah a chhe thei ang bera inthenna kalpui niin, uriena leh inphatsanna te bakah inpuhchhiatna leh inpuhmualphona tinrengin an nupa hi a bawh buai. Spanish leh Barcelona star ni thin Gerad Pique laka a rilrunatna hian Shakira hringnun a vaw chau hman hle nghe nghe.
Kum 2017 a ‘El Dorado’ album a tihchhuah hnu kum sarihna chiaha music album nen a rawn kir ta a ni.
“Chirhdiak ah ka awm a, ka inthinharh a ngai. Tla darh nuai tawh te fawmkhawmin ka intundin leh a ngai. Tumahin ka mimal nun leh fate nen inkara kalpui dan tur min hrilh lova, a tul hek lo. Keimahin thutlukna ka siam ang,” tiin Shakira hian a dinhmun a sawichiang hle.