Excise & Narcotics Department chuan kumin thla 3 chhungin Heroin kg 18 chuang an man tawh.
Excise department-in thuchhuah siama an tarlan danin, January ni 1 atanga March ni 31 chhung khan Heroin kg 18 leh gram 570 an man tawh a, ruihhlo Methamphetamine Kg 106 leh gram 648, Ganja kg 381 leh gram 76 leh khuh damdawi bur 4,739 an man a, heng bakah hian razu liter 16,829.035, Zu bilh lai trin 31,064, sap zu bottle 7,534 leh Beer bottle 6,345 an man bawk.
Excise & Narcotics Department chuan Thawhtanni tlai khan Chaltlang Lily Veng (State Guest House bul)-ah Heroin hawng 1 leh a neitu nia puh mi pakhat – Lalmuankima Saizahawla Section,Durtlang Leitan-a khawsa nia inchhal an man a, he thubuaia inhnamhnawih dang mi 3 – KC. Thangmawii (44) Zokhawthar, Lalthanpari (54) leh Tluangthanpari (39) Falam, Myanmara cheng nia in chhalte chu hemi zan vek hian man belh an ni a, an ni hnen atang hian Heroin hawng 10 leh Methamphetamine Kg 5 & Gram 888 an man bawk.
Ruihhlo an kawl avanga man te hi ND&PS Act tlawhchhanin thubuai siamsak a ni.