Kum tam liam tawh mah se, a letling zawnga inchuk an shoot lai khan thawchhamin an talbuai titih hman a, manganthlak tak a nih thu Spider Man film pathum a changtunu Kirsten Dunst-i’n a sawi.
Spider-Man (2002)-ah khan Mary Jane Watson-i lem a chang Dunst hian Director Sam Raimi duhdan chu huphurhawm viau mah se, ruahsur buan buan hnuaia a lettling a inkhai a changtupa Tobey Maguire chu lawmthu sawi nan a hmaikawr hlihsak in, a chuk a ngai ta si a ni.
ITV Jonathan Ross Show-ah Dunst chuan, “Director khan ‘sial’ tak a duh bawk si avangin a manganthlak dawn tih hrereng chung khan vawt lutuk tak hnuaiah, ruah sur buan buan bawk karah kan inchuk kha a ni a, Tobey ngei pawh kha a thaw hlei thei lo hman a, thawk ka pe emaw tih mai tur boruak kha a thleng hman,” a ti.
Kumhnih liam ta pawh khan Tobey vek hian kha scene bik kha harsa tak lak a nih thu leh tlem a tlemah thawchham vang an talbuai tep thu interview pakhatah a sawichhuak ve bawk.