AZL: inkhel.com buatsaih, inkhel Grassroots chu April 10, 2024 (Nilaini) tlai dar 3 khan AR Lammualah hawn a ni.
inkhel Grassroots hi Brig. Girish Upadhya, SM**, VSM, Assam Rifles chuan a kick off a, Mizo mipui ten sports an ngainat zia a hriatpui a, he grassroots program pawh hi Assam Rifles chuan an phurpui em em thu leh, sports chu nuna bet tel tlat a nih thu te, sports atanga nungchang zir tur tam tak a awm thu te sawiin, inkhel grassroots chu ball petin a chhuih hawng ta a ni.
inkhel Grassroots-ah hian naupang 80 chuang an inziak lut a, thla 3 course hawn phawt a ni a, AR Ground-ah tlai dar 3 atanga dar 4 thleng neih thin a ni ang.
He Grassroots hi kum 6 atanga kum 16 inkar tana buatsaih niin, FIFA age specific training zawm a ni dawn a, D Licensed coach ten an enkawl dawn a ni.