Kumin kumtir lama an hnuaia awm artist te a lakchhuak vek hnu ah Universal Music Group (UMG) chuan TikTok-ah Taylor Swift-i music a dahlut leh.
January khan UMG hian he platform atang hian artist te laklet leh vek an ni ang, tia sawiin, artiste te’n zangnadawmna fair lo tak an an dawn dan leh AI-in pawi a khawih nasa nia ngaiin, an insaseng.
Tunah erawh Swift-i hla bik hi TikTok-ah dahluh leh tan niin, singer tan pawh thil lawmawm tak a nih theihna a awm.
A hla (master recording) te chu a ta ngei a nih, tih nemnghehna a ni.
Hetih lai hian UMG hnuaia awm, TikTok-a la awm lo chhunzawm te chu- Bad Bunny, The Weeknd, Drake, Billie Eilish, Justin Bieber, Adele, Coldplay, J Balvin, Post Malone leh Sophie Ellis-Bextor te an ni.
Heng zaithiam te hian eng chen nge Tiktok hi an hlat chhunzawm zel dawn hriat ni lo mah se, Tiktok user lam atanga nawrna chi hrang hrang a awm zut zut reng vangin UMG lam pawhin ngaihtuahna thar an sen thuai a rinawm.
Tiktok hi khawthlang lamah khuan an uar zawk emaw tih mai tur a ni chho mai si a!