#Zozam Times April 15: MZP-in Mizoram Public Service Commission (MPSC) hnalak hrang hrangah thil fello a awm ngei nia an hriat avanga MPSC Chairman bang tura an phutna kal zelah vawiin atangin MPSC hnathawkte pisa kai tur an dang ṭan.

MPSC thiltih fello nia an hriat chungchangah MZP chuan MPSC Chairman JC Ramthanga chu he thila mawhphurhna laa MPSC Chairman a nihna atanga bang turin an lo phut tawh a. An ngennain awmzia a neih loh avangin tukin dar 8 atang khan MPSC Chairman ban phutin MPSC hnathawkte pisa kai tur an dang tan ta tih MZP hruaitute chuan an sawi.

MZP chuan MPSC Chairman a ban hma chuan MPSC hnathawkte pisa kai tur chu dan an tum thu an sawi bawk.