MZP chuan Mizoram Public Service Commission (MPSC) hnalak hrang hrangah thil fel lo a awm ngei nia a hriat vangin MPSC Chairman chu mawhphurhna laa bang turin a lo ngen tawh a. Press Release bakah Press Conference pawh neih tawh a ni.
MZP ngennain awmzia a neih loh avangin nimin zing dar 8 atang khan Chairman ban phutin MPSC Office kawtah an pungkhawm a. MPSC hnathawkte pisa kai tur an dang ṭan.
Nimin tlai vek khan MZP Pisapui-a MZP hruaitute thukhawm chuan, MPSC Chairman hi a ban hma chuan MPSC pisa kai tur hi dan chhunzawm zel nise a ti a. MZP hmalaknain awmzia a neih loh zel chuan lian zawka hmalak nise an ti bawk.
Nimin a an meeting chuan, Jr. Grade of Mizoram Forest Service (Asst. Conservator of Forest) mi pathum (3) lak turah, Examination neih vek tawh chu MPSC hian Answer Papers an endik (evaluate) loh tur thu ni 10/4/2024 khan thuchhuah an siam a. Environment Forest & Climate Change (EF&CC) Department Service Rules leh Advertisement anga Exam neih tawh chu endik ngei turin MZP chuan MPSC a phut nghal bawk a ni. MZP chuan a ṭul angin MPSC hnuaia hnalak hrang hrangte a vil pah zel dawn a ni, tiin thuchhuah an siam.