Politics-ah chuan Uttar Pradesh hi state pawimawh tak a ni a. Mi maktaduai 240 zet chenna niin India-ah chuan mihring chen tamna ber niin parliament-ah pawh MP thawh hnem ber an ni.
Mi thiamte chuan ‘Delhi thleng tur chuan Uttar Pradesh kaltlang a ngai’ tiin an sawi hial a, he state-a party che tha chu India ram pumah pawh ro an rel thei hle a. India-in prime minister a neih tawh zinga pariat chu he state atanga chawr chhuak an ni.
BJP chuan kum 2014 inthlanpuiah khan Uttar Pradesh-a bial 80 awmah 71 zet an chang a, kum 2019 khan tlahniam hretin 62 an chang phak thung.
Modi-a pawh hi Gujarat atanga chhuak ni mah se kum 2014-a inthlan a chuh hmasak berah khan Uttar Pradesh atangin a ding a. Hman lai khawpui, Varanasi-ah kum 2019 khan ding nawn lehin a tlin leh a, kuminah pawh a ding leh dawn.
MP nei tam lo tak erawh an awm a, hengte hi hmarchhaka Sikkim, Nagaland leh Mizoram bakah union territory Andamans, Lakshadweep leh Ladakh an ni a, MP pakhat theuh chauh an nei.
India-a state leh UT tam zawk, 22 chu ni khata inthlang zo mai tur an ni a. Hetih lai hian Uttar Pradesh, West Bengal leh Bihar te erawh thawh sarih zetin an inthlang dawn thung.