Mumbai Crime Branch chuan April 14-a Salman Khan chenna In paw lama silai hmetpuaktu nia rinhlelh mi pahih an man.
Heng mi pahnih te hi thawhtan zan khan Bhuj, Gujarat-ah police te’n an man a, Mumbai-a thu zawhfiah tura hruai an ni ang.
Police official pakhat chuan, “Silai hmehpuah hnu-a Mumbai chhuahsan rinhleh pahnih te hi man an ni tawh,” a ti.
Rinhlelh man Vicky Sahab Gupta (24) leh Sagar Shrijogendra Pal (21) te hi Masihi, Bihar-a cheng an ni.
Tarlan tawh angin, Thah a vauna vawi hnih lai dawng tawh Salman Khan chenna In pawn lamah nimin khan inkahna a thleng.Bandra, Mumbai-a a chenna In chu tu tih hriat loh mi pahnih chuan inrinni zing dar 5 vel khan hnaih pheiin, silai vawi eng emaw zat an hmeh puah hnu ah an insaseng leh nghal.
Vanneihthlak takin, he inkahnaah hian thi leh hliam an awm lo hlauh. Mumbai police te chechhuak nghalin, bike-a chuang mi pahnih nia sawi hi an chhui nghal a, chanchin buatsaih lai hian rinhlelh man an la nei lo.
Bollywood superstar Salman hi kumhnih zawnin vawi eng emawzat thah a vauna dawng tawh a ni a, state sorkar mai ni lo, central sorkar meuh pawhin la thu tak hle in, venhimna khauh tak a pe nghe nghe.