Pathianni zan final-ah 6-1 6-4-a Casper Ruud sawp chungin Stefanos Tsitsipas chuan kum li chhunga a vawithumna atan Monte Carlo Masters title a sualchhuak.
Norwegian Ruud hnehtu Greek tlangval Tsitsipas khan world ranking tharah world number seven luah chho nghalin, hnehna a chan hnuah hun harsa tak a tawh chhoh thu leh hnehna nena lawmman semna dawhsan a chuangkai leh thei ta mak a tih thu hahipin a sawi a, “He zinkawnga min thlawp tlattu ka thiante bakah ka chhungkua leh mi zawng zawng chungah ka lawm a, he title pathum lak tlin hi a awihawm loh hial zawk a, ka hlim takzet a ni,” a ti.
Kum 25 mi Tsitsipas hian final a luhna kawnga top-10 player pahnih Alexander Zverev leh Jannik Sinner a paltlang miau avangin a tan tournament chhinchhiahtlak a ni lo thei lo ang.
Ti hian, tennis player ropui rualkhat – Rafael Nadal, Bjorn Borg, Thomas Muster leh Ilie Nastase-te hnungzuiin Monte Carlo-a title pathum chin la thei zingah a hming a chuang ve ta a ni.
Greek tlangval Tsitsipas hian inelna ngaihhluthlawh ber Grand Slam-ah champion harsat thin mah se inelna lian dangah erawh khel tha viau thin a. Monte Carlo Masters-ah phei chuan hneh a hnar hle