Indian actress lar tak ni thin Raveena Tandon tan lawmna tur awm lo mah se, tun thleng pawha filmstar mipa leh hmeichhe inkara hlawh inthlau lutuk chu manganthlak tak a ni, a ti.
An hun lai khan a thawhpui filmstar pakhatin film pakhat leka a hlawh theihzat chu film 15-20 a chan hnu chauha a hlawh chhuahzat nen a inhen pha tawk, a ti bawk.
“Khang hun lai khan kan hlawh tlem viau mai a, actor leh actress te hlawh zat kha inthlau tak a ni. Actor an hlawh hnem uchuak a, film pakhat leka an hlawhzat leh keini’n film 15 vel kan inlan hnu-a hlawhzat kha a inhen tawk vel emaw a ni chauh.
“Keimah bikah ka sawi a ni mai a, midang ka sawi kep thei hauh lo na in, kan thawhpui mipa filmstar larte’n film pakhata an hlawhzat hlawh ve tur chuan a lo berah film 15-20 vel siam ngei ngei ngai,” tiin kum 30 chuangzet Bollywood-a khawsa tawh milar Ravenna hian a sawi.