Aizawl : General Election to Lok Sabha, 2024 atana Assembly Segment 20; Saitual (Lengteng AS chauh), Khawzawl, Champhai, Serchhip, Hnahthial, Lunglei, Lawngtlai leh Siaha District-a Assembly Segment awm zawng zawng atana inthlanna senso kaihhnawih endik leh vil tura ruat Anita Rinesh, IRS, Expenditure Observer chuan nimin chawhnu dar 2:00 khan Champhai a thleng.
Expenditure Observer hi District Election Officer James Lalrinchhana, Deputy District Election Officer K. Zorammuana, Election Expenditure Monitoring Nodal Officer Lalrinawma leh Media & Communication Nodal Officer Dr. Lallawmkima te’n Circuit House kawtah an lo dawngsawng a ni.
Expenditure Observer Anita Rinesh hnenah hian Election Expenditure Monitoring hnuaia Champhai District-a hmalakna report District Election Officer James Lalrinchhana’n a hlan a ni.