NDA chu state leh union territory pariatah bial awm zawng zawng an la vek dawn niin opinion poll-ah hian a lang a. Heng zingah hian Delhi, Modi-a chawr chhuahna Gujarat leh hmarchhaka Arunachal Pradesh pawh a tel a. Hmarchhak state-ah hian Chinese-ho nawr rengna avangin BJP hian dem hlawh thin mah se bial zawng zawng an lak rin a ni.
NDA hian Rajasthan pawh an lak vek rin a ni a, nikum assembly inthlanah khan an lo insiam tha tawh a. Heng bakah hian Chandigarh, Uttarakhand, Himachal Pradesh, Dadra & Nagar Haveli leh Daman & Diu pawh an lak vek rin a ni bawk.
Heng state leh UT-te hian Lok Sabha-ah MP 72 lai an nei a. Heng hmuna chak hi BJP tan chuan a tawpa member titamtu a ni thei dawn a. Hetih lai hian saffron party hi chhim lamah erawh an la ropui dawn chuang lova ngaih a ni.
Kum 2019 inthlanah khan BJP hian Delhi (bial sarih), Gujarat (26), Arunachal Pradesh (pahnih), Chandigarh (pakhat), Uttarakhand (panga), Himachal Pradesh (pali) leh Daman & Diu (pakhat) an lo la tawh.
Rajasthan-a bial 25 awmah 24 lain pakhat la chuang pawh an thawhpui thovin an la bawk.