#Zozam Times April 18 : Mizo Cultural Organisation (MCO) Gen. Hqrs hnuaia Performing Troupe Sub-Committee chuan vawiin tlai dar 5:30 khan The Terrace Restaurant, Aijal Club-ah Performing Troupe member thar te lawmluhna hun an hmang a. MCO Gen. Hqrs President Robert Romawia Royte leh hruaitu dang ten an telpui.

MCO Performing Troupe member thar lawmluhna hun hi MCO Performing Troupe Sub-Committee Chairman Lalhunruata’n kaihruaiin, MCO Gen. Hqrs President Robert Romawia Royte chuan Performing Troupe member thar te lawmluhna thu leh fuihna thu a sawi a. MCO Gen. Hqrs hruaitu dang ten fuihna thu an sawi bawk.

Performing Troupe Sub-Committee Secretary Zonunsanga’n member thar te hmelhriattirna hun hmangin, report a pe a. Kum 2024-2025 chhunga MCO Performing Troupe member atan mipa 22 leh hmeichhia 18, an vaiin member 40 ruat thar an ni.