Enforcement Directorate chuan sumdawng Raj Kundra thil neih, Rs Vaibelchhe 97.79 chu an hrensak. Kundra hi Bollywood actress Shilpa Shetty pasal a ni.
An hrensak zingah hian Mumbai, Juhu-a an chenna In lian leh ropui tak a tel a, Shilpa-i hminga register a ni nghe nghe.
Hmun dan an dapna an an hrensak zingah hian Pune-a bungalow lian angreng tak pawh a tel a, ED lam hian an thil chhui zuina kal zelah thil dan hrensak leh umzui tur an nei chho zel dawn ni te pawhin a lang.
Kundra hi Prevention of Money Laundering Act (PMLA), 2002 hnuaiah khawih chet thei leh khawih chet theih loh thil neih/bungrua hi Mumbai zonal office, ED hian an hrensak a ni.
Maharashtra Police leh Delhi Police te’n Shilpa-i pasal Kundra lakah FIR thahnem tak an thehluh behchhanin, ED hian chhui chianna a kalpui tan ta chu a ni a, engti ang takin nge he monely laundering thubuai liantham ang reng taka sawi hi kalpui a nih dawn hriat a ni lo mah se, he thil a inhnamhnawih leh inrawlh zingah mi lian leh hraw tak tak te pawh an thur chhuak nulh nulh lovang, tih a sawi theih lohva, tun dinhmuna India rama thubuai hlabuai ngaihven hlawh ber zingah a tel chho leh ta reng mai.