Bayern Munich forward Jamal Musiala chu Manchester City in nipui bazar inhawn huna an lak tum ber a ni tih puanzar a ni. Chelsea pawhin Germany international dinhmun hi an ngaihven ve reng bawk. (Guardian)
Bayern erawh chuan Musiala hi hralh tumna an nei lova, contract thar ziahpui ngei an tum ve thung. (Fabrizio Romano)
Arsenal chuan nipui bazar inhawn hunah striker leh winger lak ngei an tum dawn a. Newcastle leh Sweden forward Alexander Isak leh Crystal Palace tana khel mek French winger Michael Olise te chu lak an tum zingah a tel. (Guardian)
Arsenal hian striker thar lak an tumnaah RB Leipzig leh Slovenia forward Benjamin Sesko an thlithlai. (Standard)
Arsenal manager Mikel Arteta chuan an tlarhma thuam chak ngei a tum a, Sporting Lisbon leh Sweden striker Viktor Gyokeres chu Gunners in an ngaihven zingah a tel. (Mirror)
Chelsea leh Manchester United te pawhin 50m euro (£42.8m) senga lakchhuah theih tur Sesko hi an ngaihven ve bawk. (Ben Jacobs)
Head coach nei lova awm mek Besiktas chuan Liverpool assistant manager Pep Lijnders chu rawih tumin an ngaihven. (Athletic – subscription required)
Liverpool leh Paris St-Germain te chuan Chelsea leh England defender Levi Colwill lak tumin an ngaihven. (GiveMeSport)
Tottenham chuan Arsenal forward hlui Serge Gnabry an ngaihven a. Bayern Munich pawhin kum 28 mi Germany international hi hralh an duh ve bawk. (Football Insider)
Liverpool leh Manchester United te chu Barcelona B defender Mikayil Faye ngaihven zingah an tel a. Ku 19 mi Senegal international lak tuma ngaihven ve dang Lille, Monaco leh Nice te nen an inchuh ngei a ngai dawn thung. (Mundo Deportivo – in Spanish)
Spurs hian Nottingham Forest midfielder Morgan Gibbs-White lak tuma intlansiaknaah hma an hruai a, nipui bazar inhawn huna la lut turin an inpeih at tawh. (Football Insider)
AS Roma chuan loan-a an hawh mek Belgium striker Romelu Lukaku chu 43m euros senga lak ngheh a ngaih vangin an tlin hmel loh a. Lukaku hi Chelsea-ah a kir leh ngei a rinawm. (Gazzetta dello Sport – in Italian)
Chelsea leh Newcastle United te chuan Arsenal leh England goalkeeper Aaron Ramsdale an ngaihven. David Raya a nekchhuah zawh loh vangin Ramsdale hian Arsenal chhuahsan a duh. (CaughtOffside)
Newcastle te chuan Chelsea midfielder Conor Gallagher an thlithlai a, kum 24 mi England international hi nipui bazar inhawn hunah lak an tum dawn. (Chronicle)
Germany boss Julian Nagelsmann chuan Bayern Munich nen an la indawr rih loh thu a sawi a, Nagelsmann hian kar tharah khian a hma lam hun turah thutlukna siam a tum niin a agent chuan a sawi. (Spielmacher podcast, via Metro)
Liverpool leh Everton boss hlui Rafael Benitez chu Celta Vigo in an ban hnu lawkah Sao Paulo in an manager thar atan rawih an tum leh nghal. (Sun)