Taylor Swift-i’n a kahna hla nia sawi tihchhuah hnu ah Kim Kardashian chuan followre 100,000 velzet a hloh nghal.
Zirtawpni khan TS hian ‘The Tortured Poets Department: The Anthology’ chu tlangzarhin, ‘thanK you alMee’ tih hla tichhuak zuiin, he hla thupui a capital bika dah ah ‘KIM’ tih a hmuh theih.
High school-a ‘bully’ thleng chungchang tarlanna nia hriat ni mah se, fan te chuan Kardashian nena an inkar boruak chhe tak tarlannaah an ngai hmiah thung.
Inrinsiakna nasa tak karah a tu ve ve mahin an sawi chiang duh lova, reality star zawk hian Instagram-ah kartawp lam khan Mtd. 364.3 atangin Mtd. 363 ah tla thla in, he hla kaihhnawiha Swifties te’n comment thahnem tak an hnutchhiah bawk.
Kum 2016 atang khan TS leh KD te inkara inlaichinna duhawm lo leh chhe angreng tak hailan tan niin, he thilah hian khatih laia KD pasal Kanye West pawh thuk taka inrawlhin, ‘Famous’ hlaa TS a hnuhluh danah KD-i’n a pasal thlavang a lo hauh hmanhmawh bawk nen, an inhmu sakhi zui ta viau a ni awm e.