Miss Mizoram 2024 thlanna kal mekah April 23, 2024 (Thawhlehni) zan khan City Sky Hall, Saizahawla Arcade, Tanhrilah Sub-Title paruk sem a ni.
Miss Mizoram sub-title show hi Rini Hlawndo-in hneh takin a kaihruai a. Bul tan nan contestant zinga mi Sangkimi’n a talent entirin, amah tawiawmtute nen thiam takin an lâm a; contestant zinga mi pahnih – Judith Lalramengmawii leh L Lalnuntluangi te pawhin an talent entirin, thiam takin an zai bawk. Contest dangte talent erawh chu video clip tawi hmangin mipui en theiha tihchhuah a ni thung.
Sub title sem zanah hian sub-title paruk sem a ni a, chu’ngte chu hengte hi an ni:
Miss Personality – Evelyn Zachhingpuii
Miss Talented – Lalrinchhani
Miss Active – Judith Lalramengmawii
Miss Body Beautiful – Evelyn Zachhingpuii
Miss Photogenic – Jennifer Lalrinzuali Renthlei
Miss Ramp walk – Jennifer Lalrinzuali Renthlei
Sub title dang pali – Beauty with a Purpose, Miss Beautiful Skin, People’s Choice leh Miss Congeniality-te erawh chu Grand Finale-ah sem a ni ang.
Sub title semna show-ah hian Ruth Tochhawng leh Zodinpuii Sailo ten zaiin mipuite thiam takin an awi bawk.
Grand Finale hi April 26, 2024 (Zirtawpni) zanah City Sky Hall, Saizahawla Arcade, Tanhrilah neih a ni dawn a; ZONET Zawlbuk leh ZONET Empai apps-ahte live-a tihchhuah a ni ang.
Miss Mizoram 2024 atana thlan hian lawmmanah Rs 2,00,000 bakah, Vespa scooter a dawng dawn a, main sponsor – Women & Child Development department-in ambassador atan an hmang nghal dawn bawk.
Pahnihna (1st runners up)-in Rs 1,00,000 a dawng dawn a, pathumna (2nd runner’s up)-in Rs 50,000 a dawng ang. Pakhatna atanga pathumnate hi Lash Studio chuan hamthatna an pe vek bawk dawn a ni. Heng bakah hian Top 5-a tlingte, Top 10-a tling te, Finalist-te leh Sub-Title lawmman dawngtute hnenah lawmman pawisa pek a ni ang.
MISS MIZORAM 2024 LAWMMAN
Winner : Rs 2,00,000 + Vespa Scooter + WCD Ambassador + Lash Studio Deal
1st Runners-Up : Rs 1,00,000 + Lash Studio Deal
2nd Runners-Up : Rs 50,000 + Lash Studio Deal
Top-5 : Rs 25,000 each
Top-10 : Rs 15,000 each
Finalist : Rs 10,000 each
Subtitle : Rs 10,000 each