Mizo Zirlai Pawl (MZP) chu nimin khan MZP Conference Hall-ah an thukhawm a, Assembly 2024 thlenna tur leh Federal Council Sitting rorel bawhzui dan tur bakah pawl chhung thil pawimawh hrang hrang an rel a. An meeting hi MZP President H Lalthianghlima’n a kaihruai.
Meeting chuan, Chanchinthara lo lang Champhai District a kan zirlaipui vawi tam tak pawngsual a ni chu lungchhiatthlak a ti hle a. Pawi khawihtu nia puh; Saitawna leh a fapa Vanlalmawia te chu an phu ang tawk hremna pe turin thuneitute a ngen nghal a ni. Hetiang thil duhawm lo tak hun rei tak chhung hriatchhuah loh, hai chhuaktu an zirtirtunu chu MZP chuan a chhuang takzet a. Hetiang thil hi thleng nawn tawh lo se MZP chuan a duh a ni, an ti.
MZP meeting hian an pawl inkhawmpui lian Assembly 2024 thlen dilna lut hrang hrang a ngaihtuah a, kumin 2024 MZP Assembly thleng turin MZP Headquarters Champhai hnuaia awm MZP Branch, Tlangsam an thlang.