Dawhsan a ngaihsan ber mai Taylor Swift nena hun an hman zuaina thlalak lar taka inlan kum 9 mi, TS-i fan ruhkawl ni bawk chu cancer natna vangin a boral.
Australia khawpui pakhat Perth-a cheng Scarlett Oliver hian nikuma Eras Tour-ah Sydney khawpuiah TS nen an inkuah zuai bakah hun reilote an inbe thei bawk a, he thlalak hi zankhat thil thu-ah a darh huk mai.
Hla lar, ’22’ a sak laiin Scarlett te chhungkaw ngenne angin, TS hian hun hlimawm tak a hmanpui a, stage-a an inchhawnchhaih dan vel chu mipuiah a tla na hle.
Naute pa Paul chuan kum 10 a tlin champhaphak hma chiahin Scarlett a boral tih a puang a, hun eng emaw chen thluak lam cancer natna chikhat a vei vanga enkawl a nih hnu-ah a damchhuak zo ta lo a ni.