Manchester United chuan England forward Marcus Rashford chu nipui bazar inhawn hunah hralh duh bawk mah se an chhiarna zat £70m chuan tute mahin an dawr ngam an ring lo. (ESPN)
Rashford ngaihven ve thintu Paris St-Germain chu tunhnaiah an reh ta tlat a, PSG hian player dang lak an tum zawk dawn. (i Sport)
Rashford hian Manchester United hnenah chhuah a duh loh thu leh vul thar leh tura beih a duh thu a hrilh. (TBR Football)
United a Rashford hma lam hun tur a chian loh lai hian United manager Erik ten Hag pawhin season tharah United hi a enkawl leh ngei dawn em tih a chiang bik lo. (HITC)
Arsenal chuan season tawp ruala contract hmang zo tur Italy midfielder Jorginho chu contract thar an zawrh a, kum 32 mi hian contract thar a ziah ngei beisei a ni. (Athletic – subscription required)
West Ham chuan an manager ni mek David Moyes thlaktu tur an dap a, AC Milan in lak an tum Lille manager Paulo Fonseca chu lak luh an tum ve dawn. (i Sport)
West Ham-a hmalam hun chiang lo mek Scotsman Moyes hi Spartak Moscow in an ngaihven. (Mail)
Austria manager ni mek, Manchester United boss hlui Ralf Rangnick chuan Bayern Munich manager ni a duh a. Bayern nen hian nilaini khan an indawr tan tura ngaih a ni. (Bild – in German)
Chelsea leh England forward Raheem Sterling chuan Saudi Pro League atangin betu ala tawng lo. Chelsea chuan Sterling leh Belgium striker Romelu Lukaku te chu nipui bazar inhawn hunah hralh an phal. (Caughtoffside)
Portugal midfielder Bruno Fernandes chuan Euro 2024 zawh hunah Manchester United-a a hma lam hun tur ngaihtuah a tum a. Tunah rih chuan FC Cup final leh Germany a khelh tur Euro 2024-ah a la insawrbing rih thung. (Danz Portugal – in Portuguese)
Saudi Arabia te chuan Brighton-ah loan a khel mek kum 21 mi Barcelona leh Spain forward Ansu Fati bakah Aston Villa-ah loan a khel mek Barcelona defender Clement Lenglet te lak tumin an ngaihven. (Sport – in Spanish)
Manchester United chuan nipui bazar inhawn hunah English forward Mason Greenwood hralh tumin ruahmanna an siam a. season tawp hunah thutlukna siam fel an tum thung. (Fabrizio Romano)
Borussia Dortmund chuan Chelsea atanga an hawh Ian Maatsen chu season tharah pawh an hnena khel chhunzawm turin an duh. (Fabrizio Romano)
Leicester chuan kum 37 mi English striker Jamie Vardy chu contract thar chungchangah an dawr. (Mail)
Crystal Palace chuan nipui bazar inhawn hunah Republic of Ireland Under-21 midfielder Killian Phillips an hralh ngei hmel. (Teamtalk)
Aston Villa leh West Ham ten lak tuma an ngaihven English midfielder Callum O’Hare chuan nipui bazar inhawn hunah free transfer in chhuah a tum tih a khelh mekna Coventry City a hrilh. (Football Insider)